Indica publicitat
Dimecres, 8 de de juny del 2022
CASTELLANO  |  ENGLISH  |  GALEGO  |  FRANÇAIS
tribuna.cat en format PDF
Cerca
Divendres, 2 de de juliol del 2010 | 14:15
Crònica · Galiza

O PP apoia grupos antiabortistas con fondos públicos

Supuxeron unha aposta arriscada do BNG na Xunta e suscitaron o interese doutras autonomías. No 2006, a creación dos centros Quérote remataba coa

exclusión da sexualidade na axenda do Goberno galego. A exaculación precoz, as enfermidades de transmisión sexual, a prevención do embarazo ou o aborto deixaron de considerarse tabús, mais desde a chegada do PP a San Caetano, volven ficar no silencio. Namentres, os votos dos populares aprobaron no Parlamento unha lei impulsada por asociacións antiabortistas que agocha a creación e o financiamento con fondos públicos dunha rede privada de apoio ás mulleres embarazadas.

Até o de agora, tamén os centros Quérote fornecían información e protección neste sentido e non "obrigaban" a abortar as mozas -como acusou o bipartito Paula Prado, deputada do PP. Durante o debate no Pleno da Cámara, Prado aplaudiu a norma ao entender que "axudará a solucionar o problema demográfico" de Galiza. Entre o balbordo do hemiciclo, as bancadas socialistas e as nacionalistas afanáronse en censurar unha lei que "retrotrae, con conceptos rancios, unha carga de moralidade inaceptábel" e que "non respecta a liberdade para decidir". O texto da norma impulsada por colectivos contrarios ao aborto incide na "información" ás mulleres en estado. Porén, nada di de axudas ás nais e aos pais nin de novas medidas que garantan a conciliación familiar e laboral.

Pontón: "Os abortos diminuíron co bipartito"

Baixan os abortos
A parlamentar do PSdeG, Silvia Fraga, instou o PP a "deixar de tratar as mulleres de xeito paternalista" e acusou os conservadores de intentar boicotear a Lei do Aborto aprobada no Congreso dos Deputados -que estabelece que a interrupción voluntaria do embarazo e un dereito, nunca unha obriga. Na mesma liña, a viceportavoz do BNG no Parlamento, Ana Pontón, criticou que se financie con diñeiro dos galegos e galegas asociacións contra o aborto, "mentres que os centros Quérote, que traballan na prevención, están paralizados". Pontón lembra que o único período no que diminuíu o número de abortos foi durante o bipartito, "o que demostra que investir neste ámbito contribúe a evitar os embarazos non desexados". Os datos do Ministerio de Igualdade revelan que as interrupcións voluntarias pasaron de 2.546 no 2007 a 1.981 -a segunda cifra máis baixa do rexistro histórico- no 2008, último ano do que se posúe información.

"Sexualidade pervertida"

As mesmas organizacións ultraconservadoras que participaron na recollida de sinaturas a prol da lei de protección á muller embarazada criticaron con dureza os centros Quérote desde a súa aparición. En marzo deste mesmo ano, Hazte Oír -do Foro Español da Familia- pediulle á Xunta que non promovese "unha sexualidade pervertida entre os adolescentes". Esta entidade -que abrangue posturas que oscilan entre o Opus Dei e os Lexionarios de Cristo- considera a homosexualidade como patoloxía e rexeita toda política de tendencia liberal ou progresista. Nin sequera acepta a existencia do aborto terapéutico, aquel xustificado por razóns médicas ao quedar en perigo a nai ou o bebé. Algúns dos integrantes de Hazte Oír, que acusan o PP de "acomplexado", militan en partidos como a Comunión Tradicionalista Carlista, a Alternativa Española ou Familia y Vida.

Os centros Quérote transcenderán o asesoramento afectivo-sexual para atender a seguridade viaria ou a drogodependencia

Freo ás actividades
Á falta de promoción que padecen os Quérote súmanse as novas tarefas que deben desempeñar a partir de agora os técnicos contratados pola Dirección Xeral de Xuventude, como os cursos de condución segura, sobre a drogodependencia ou a bulimia. No que vai de lexislatura, a Xunta lonxe de desenvolver campañas para facer visíbeis os centros, optou por limitarlles o servizo, como no caso da Coruña e de Burela, onde deixaron de abrilos acotío. E iso malia as advertencias de médicos e educadores, que alertan de que os adolescentes carecen dunha formación axeitada en sexualidade. A falta de interese que suscita a rede de asesoramento afectivo-sexual no Goberno queda plasmada na propia web, que só recolle tres noticias desde a chegada do PP a San Caetano.


Tamén se advirte na modificación dos convenios sobre o asesoramento xurídico de gais, lesbianas e transexuais (LGBT), colectivo que, segundo fontes próximas aos centros, está a ser esquecido. A propia Consellaría de Traballo e Benestar confirmou as novidades desta rede de centros, que agora se presentan baixo a etiqueta Quérote +. O que foi un impulso á sexualidade responsábel e segura pasa a converterse nun servizo que ofrecerá "unha orientación en máis eidos", en palabras da consellaría.  

Versió PDF Imprimeix
Col·labora amb Tribuna.cat
Si vols fer una aportació econòmica, emplena les següents dades, escull la quantitat econòmica que vols aportar i el mètode de pagament que prefereixis. Estem molt agraïts per la teva col·laboració.
COL·LABORA-HI
Indica publicitat